ஜார்ச்டவுன் – மலேசியாவின் 67வது சுதந்திர தினத்தை முன்னிட்டு, மாநிலம் முழுவதும் மொத்தம் 7,752 செம்பருத்தி செடிகள் வெற்றிகரமாக நடப்பட்டுள்ளன.
பினாங்கு வீட்டுவசதி மற்றும் சுற்றுச்சூழல் ஆட்சிக்குழுத் தலைவர் டத்தோ ஸ்ரீ சுந்தராஜூ சோமுவின் அலுவலகத்தின் தலைமையில் செம்பருத்தி செடி நடும் திட்டம், ஐந்து நில மற்றும் மாவட்ட அலுவலகங்களுடன் (தென் செபராங் பிறை, வட செபராங் பிறை, மத்திய செபராங் பிறை, வடகிழக்கு மற்றும் தென்மேற்கு மாவட்டங்கள்) இணைந்து நடத்தப்பட்டது.
மலேசியாவின் தேசிய மலரான செம்பருத்தி செடியின் முக்கியத்துவத்தை இளைய தலைமுறையினருக்கு நினைவூட்டுவதே இந்த நிகழ்ச்சியின் நோக்கம் என்று சுந்தராஜூ கூறினார்.
“இன்றைய இளைய தலைமுறையினர் வரலாற்றை மறக்காமல் இருக்கவும் அதனை நினைவிலும் கொள்ள வேண்டும் என்று நாங்கள் விரும்புகிறோம். எல்லாவற்றிற்கும் மேலாக, ஒளி வண்ண மலர்கள் கொண்ட ஒரு செடி மற்றும் சுதந்திர தின கொண்டாட்டம் ஒன்றோடொன்று இணைக்கப்பட்டுள்ளது, இந்த மலர் தேசிய பற்று, ஒற்றுமை மற்றும் தேசபக்தியைக் குறிக்கிறது.
“இந்தத் திட்டம் ஆகஸ்ட் தொடக்கத்தில் தொடங்கப்பட்டதிலிருந்து ஒரு மாதத்திற்குள் நிறைவேற்றப்பட்டதில் நான் மகிழ்ச்சியடைகிறேன்.
“சமூகம் மற்றும் மாநிலத் தொகுதி சேவை மையங்கள் உட்பட அனைத்து தரப்பினரும் தங்கள் சொந்த பகுதிகளில் செம்பருத்தி செடிகளை நடவு செய்யாமல் இந்த முயற்சி வெற்றியடையாது.
“சம்பந்தப்பட்ட அனைத்துத் தரப்பினருக்கும் எனது மனமார்ந்த பாராட்டுகளைத் தெரிவித்துக் கொள்கிறேன், மேலும் இந்த நிகழ்ச்சியின் வெற்றியை உறுதி செய்த ஐந்து நில மற்றும் மாவட்ட அலுவலகங்களுக்கு எனது நன்றியைத் தெரிவித்துக் கொள்கிறேன்” என்று கொம்தாரில் நடந்த செய்தியாளர் கூட்டத்தில் சுந்தராஜு கூறினார்.
இந்நிகழ்வின் போது, அவர் ஐந்து நில மற்றும் மாவட்ட அலுவலகங்களின் பிரதிநிதிகளுக்கு பாராட்டுச் சான்றிதழை வழங்கினார்.
செய்தியாளர் சந்திப்பில் பாகான் டாலாம் சட்டமன்ற உறுப்பினர் குமரன் கிருஷ்ணனும் கலந்து கொண்டார்.