குறைந்த விலை, குறைந்த நடுத்தர விலை வீடுகளுக்குப் புதிய விண்ணப்பப் பாரம் அறிமுகம்.

குறைந்த விலை, குறைந்த நடுத்தர விலை வீடுகள் பிரிவுகளுக்கு விண்ணப்பதாரர்கள் தேர்வு தொடர்புடைய முழு அமைப்பு மற்றும் செயலாக்கம் கடந்த 7 ஜூன் 2013  உருவாக்கப்பட்டது அனைவரும் அறிந்ததே. பினாங்கு மாநிலத்தில் நடுத்தர மக்கள் தனக்கென்று ஒரு வீடு பெற்றிருப்பதை உறுதி செய்யும் பொருட்டு இத்திட்டம் அமலுக்கு வந்தது. அதன் தொடர்ச்சியாக, இன்னொரு புதியத் திட்டம் வரையறுக்கப்பட்டுள்ளது. இதில் ஏழ்மையில் வாழும் மக்கள் வீடு வாங்குவதை உறுதிச் செய்யும் பொருட்டு புதிய விண்ணப்பப் பாரம் அறிமுகப்படுத்தினார் கிராமம், நகரம் மற்றும் வீடமைப்புத் திட்டமிடல் சேவைக் குழுவின் ஆட்சிக்குழு உறுப்பினர் மதிப்பிற்குரிய ஜெக்டிப் சிங் டியோ அவர்கள்.

தேர்வு செயலாக்கம் மற்றும் மேம்பாடு சமூகத்தினர் நான்கு சந்திப்பு கூட்டத்திற்குப் பிறகு விண்ணப்பப் பாரத்தை மறுபரீசீலனைச் செய்துள்ளனர். இதில் வீட்டு விலைகள், அதன் பிரிவுகள், பினாங்கு வாழ் மக்கள் என பல பகுதிகள் பிரிக்கப்பட்டுள்ளன. இதனால், விண்ணப்பதாரர்களின் தகவல்கள் தெள்ளத் தெளிவாக இருக்கும் என விளக்கினார். இவ்விண்ணப்பப் பாரம் வரும் 14 டிசம்பர் 2013-லிருந்து அமலுக்கு வரும். இதனை கொம்தாரில் இருக்கும் அலுவலகத்தில் பெற்றுக்கொள்ளலாம். அதோடு, இணையத்தின் வாயிலாகவும் விண்ணப்பிக்கலாம். இதற்கு முன்பு விண்ணப்பித்தவர்கள் மீண்டும் விண்ணப்பிக்குமாறு கேட்டுக் கொண்டார்.  இத்தகைய மலிவு வீடமைப்புக்கானப் பெறும் விண்ணப்பம் பினாங்கு வாழ் மக்களிடையே மிகுதியாகக் காணப்படும். மாநில அரசும் பினாங்கு மேம்பாட்டு குழுவினரும் இணைந்து பல மலிவு வீடமைப்புத் திட்டங்களை தொடங்கியது

மேலும் மலிவு வீடு யூனிட்கள் வழங்கும் பல தனியார் வீட்டுத் திட்டங்கள் உள்ளன. எனவே பொதுமக்கள் முன் வந்து வீடமைப்புத் துறையிடம் விண்ணப்பிக்க வேண்டும் எனக் கேட்டு கொண்டார் மதிப்பிற்குரிய ஜெக்டிப் டியோ அவர்கள். அதோடு, விண்ணப்பதாரர்களின் தகுதி நிலையையும் அதிகாரிகள் உறுதிப்படுத்த வேண்டும் என தெளிவுப்படுத்தினார். ஆட்சிக்குழு உறுப்பினரும் செபெராங் ஜெயா சட்டமன்ற உறுப்பினருமான டாக்டர் அஃபீஃப் பஹார்டின், ஆட்சிக்குழு உறுப்பினர் பீ புன் போ, பாயான் பாரு நாடாளுமன்ற உறுப்பினர் சிம் திஸ் திஸின், தஞ்சோங் நாடாளுமன்ற உறுப்பினர் எங் வேய் வென் ஆகியோர் கலந்து கொண்டனர்.